Բարի գալուստ Հասմիկ Սարիբեկյանի ստեղծագործական անկյունը

«Բանաստեղծություններ»

Wed, 07 May 2008 05:34:54 GMT

Վարագույրի ծոփքի մեջ զով՝
Թարթվում են լույսերը էջ առ էջ.
Լուսաբաց է,հրաշեկ ծով՝
Արթնացի՛ր, սեր իմ, ես սիրում եմ քեզ
Քո երազի ժապավեններն ընդհատված՝
Գանգուրվել են սավանների ճերմակում.
Աչքերդ բա՛ց՝
Ես քեզ խոստանում եմ արթմնի երջանկություն:
Լուսաթաթախ,թաց, թափանցիկ
Քանի քնած է քաղաքը մեծ,
Թող աղավնին իմ ուղղարկած՝
Առաջրինը իմ բարեվը հասցնի քեզ…

«Բանաստեղծություններ»

Mon, 05 May 2008 13:25:27 GMT

-Կյանքը պարզապես ծոփք է գույների,
Նույնն է ու թերի՝
Թե հոգով անհաս էս սիրո բերկրությանը,
Եթե կամենում ես ծիածան լինի ՝
Պիտի լսես անձրեվաձայնը,
Թեչե անհույս գամվելով մենությանը՝
Տիեզերքդ աստղաթափ կլինի…
-Դու ճիշտ ես, առանց սիրո ողջն անիծյալ է,
Առանց սիրո մարդը չնչին ածանցյալ է,
Եվ անկարող է նավակով խարխուլ օվկիանը հատել,
Ես բացում եմ հոգու փոքրիկ իմ պատուհանը՝
Երկինքն այսօր անձրեվ է խոստացել….

«Բանաստեղխություններ»

Sat, 03 May 2008 11:59:33 GMT

Սի՛րտ, կայծիր էլի,
Այրիր արյունս հյուլե առ հյուլե՝
Ես ուզում եմ երանելի
Սիրո հրով հրավառվել...

Սիր՛տ, կայծիր էլի,
Ինձ մեկել տուր վարդագունակ երանություն,
Որ ես այրվեմ
Քո համբույրի մեղրոտ բոցում...

Կայծիր, օ սիր՛տ,
Որ ես կարծեմ,թե ձին բախտի ու բախտության
Սանձահարված է,
Որ երեկս՝ դա թաղծի վերջին վրձնահարվածն էր
Եվ էլ չեմ զգա դատարկություն:
Սիրո առաջ թե կիսաբաց էի՝
Հիմա ես մերժում եմ ամեն սահմանում:
Կայծիր՛, առանց սակայն ու բայց՝
Մոխրանալուց անգամ էլ չեմ վախենում...

«Բանաստեղխություններ»

Mon, 28 Apr 2008 06:15:59 GMT

Սիրելու համար ես դեռ թույլ եմ , սե՛ր,
Խոցելի է սիրտս,
Դեռ թափանցիկ եմ շատ.
Չսիրելուս համար ՝դու կարող ես ինձ չներել,
Սակայն իմ ներսում կիսավեր, կիսատ
Մատուռ կա հույսի,
Որը ,սիրելիս, ուրիշ անուն ունի:
Սիրելու համար ես շատ եմ համառ,
Դեռ շատ եմ վայրի՝
Ինձ մի մեղադրի…

Արթնացավ ալ հորիզոնը
Ու արեվը երկնեց օդում
Ծիրանագույն խաղաղություն…
Ասես հենց նոր եզերքում ծով՝
Վարդե հրդեհ էր բռնկվել,
Ու ես վարդոտ իմ ծածկոցով՝
Ծեգի հետ հաշտ
Հրե ծեսի էի բռնվել.
Արթնացավ ալ հորիզոնը
Ու արեվը երկնեց օդում
Ծիրանագույն բանաստեղծություն…

Բաց արա այսօր
Վարագույներն արշալույսի ,
Որ հույսը հոսի
Երակներիդ մեջ.
Բավ է քեզ քո դերը մենախոսի՝
Դու մենակ չէս, դու մենակ չես….

«Բանաստղծություններ»

Fri, 25 Apr 2008 08:45:54 GMT

Մկրտում են օդը կռունկները սեվ՝.
Սեր՝մեկնիր ինձ վրձինդ, մայիս է եկել…
Բաց արա ամպե վարագույրդ լույս,
Եվ մի քիչ արեվ ,արեվ տուր հոգուս.
Իմ կրծքի տակ հիմա թիթեռի սիրտ է հեվում՝
Տուր ինձ գույներ՝երջանկությունը պատկերելու…

Մկրատում են օդը ծիծեռնակները սեվ.
Սեր՝ մեկնիր ինձ վրձինդ, մայիս է եկել…
Թախիծը բեկվել,ուռենու պես թեքվել՝
Իր գանգուրներն է գետում լվանում՝
Տուր ինձ հնչյուններ՝
Լռությունը որոտով արթնացնելու…

«Բանաստեղծություններ»

Fri, 25 Apr 2008 08:42:29 GMT

Ճերմակն այս թղթի
Ինձնից աղերսում է կապույտ զարկեր, զարկեր,զարկեր...
Խնդրում է ինձնից բանաստեղծություն.
Ուզում է արյանս հունը խեղել, շեղել թաղծից,
Սանձված հանգերի ոսկե կառքերով՝ հատելով հեռուն:
Ճերմակն այս թղթի
Թող քեզ էլ հուշի,որ
Սերը երկում դառնում է նոր զարկ,
Թույլ տուր , որ սերը՝ իմ երկով քեզ փոխի
Քո արձակ կյանքին տլով խաղ ու հանգ...

Քո ձեռքերի, տաք ձեռքերի հոսքում հրե
Մոռացել էի, որ իմ ներսում դեռ հույզերի ցուրտ ձմեռ է,
Բայց սրտիդ թրթիռը մի հզոր հրթիռ էր,
Որն ինձ դեպի գարուն բերեց:
Թվաց ՝սերը գտել եմ,
Թվաց՝ անհնար է սիրել ավելի,
Սակայն սիրելիս
Քո ձեռքերի, տաք ձեռքերի հոսքում հրե
Պարզապես զարթնել էին հուշերը հյուլե:

Երջանկության եզրով՝
Ինչպես եզրով շեղբի
Սուրացին մտքերս դեպի քո հեռուն,
Սակայն այդ հեռուն այնքան հեռու էր ախր,
Որ ես նորից մոլորվեցի հույսի առանցքներում,
Ու լույսը էլի, էլի ուշացավ՝
Ստիպելով սրտիս վարժվել խավարին.
Հերթական անգամ սերը մոտ եղավ,
Բայց բախտի կամուրջները մեր դեմ ծալվեցին...
Երջանկության եզրով՝
Ինչպես եզրեվ շեղբի
Սուրացին մտքերս,
Բայց զուր մարեն պիտի...

«Բանաստեղծություններ»

Mon, 31 Mar 2008 05:29:58 GMT

Շուրթե շուրթ լեցուն քո խոստումների հաշիշով, գինով

Իմ կյանքը այսօր հիացիկ ու հաշտ դաշներգություն է

Սիրո եվ հույզի.

Դեռ զով սարսուռ կա իմ երակներում

Սակայն սիրո փոքրիկ այս նավակում՝

Սիրտս հոսում է `քո գիրկը գարուն:

Ես իմ երգով եմ այսօր քեզ երդվում.

Դեռ հազար լիալուսին խոնարհվի պիտի

Նոր օրվա քաղցր խոստումի առաջ,

Քեզ հետ կյանքը իմ տոն է գույների՝

Կանչ է ու կարկաչ.

Ասեղնագործ վարագույր է անձրեվը կախել

Երազանքների սահմանագծին,

Ու ես ըմպում եմ գինին անձրեվի քո թասով ՝ աստված,..

Գարունը կյանքի գաղտնաբառն է իմ՝

Երջանկության այգը նոր բացված….

Առ ինձ քո թավ լռության մեջ,

Ու մեղմիր սրտիս տրոփը անկարգ,

Գարունը իմ մեջ գույն է արարում,

Գարունը իմ կյանքին խառնում է խաբկանք.

Թվում է՝սերը սեվի փականը կնքել

Ու ունի խոստում,

Բայց միթե, ախ, միթե պատրանք է սա էլ

Եվ ես նորից մոլորել եմ գույնը երանգներում.

Առ ինձ քո պաղ իրականի ցուրտ դողերում,

Ինձ թրատիր անձրեվներում

Եվ ինձ մերժի ցողը ամպի, թե այն ինձ սպանելու է.

Գարուն, իմ հարցում դու միքիչ անփույթ ես,միեվնույն է,

Ինչու ես գրիչն իմ հույզի աստղադիտակ դարձնում…

«Բանաստեղծություններ»

Fri, 21 Mar 2008 10:29:38 GMT

Սերն իմ խոհերին ընծայում է ձեվ,
Սերն ինձ բերում է ներդաշնակություն,
Թափվի՛ր, թափվի՛ր անձրեվ՝
Թրթիռը սրտիս իբրեվ հուր մակույկ
Քո ծովերին եմ հանձնում:

Սերը ինչպես լույս ծիածան
Ինձ դարձել է վերից ընծա ՝
Շնորհակալ եմ քեզ սեր,
Որ իմ սրտում ծիածանից ծիածան
Բացել ես այգաբացի գաղտնիքները անսահման…

«Բանաստեղծություններ»

Tue, 26 Feb 2008 12:02:35 GMT

Ուղղարկում եմ քեզ գարնան շնչառությունը՝
Հույզի անշուք այս ծրարում
Եվ նրանում
Դաջում եմ ես իմ տաք համբույրը,
Որն հազար էլք ու խոստում ունի դեպի գարուն:
Սերը սառցե բավիղներում
Չի մոլորվի ես դա գիտեմ,
Այն քեզ կհասնի
Ես հավատում եմ…

Գարունը բացում է վարագույրը իր՝
Աչքերդ փակիր՝
Սերը քո սրտին նոր բախյուն է հորինել.
Եվս մեկ զարկ,
Էլի մի թրթիռ
Եվ դու դեռ կարող ես ամեն ինչ ետ բերել:
Ծագեցնում է գարունը լույսը քո սրտի,
Որ հույզը թարթվի,
Որ թերթվեն անցյալի ստվերները անթեվ.
Կգամ ես, դու միայն ձայնիր՝
Սիրուն մեր վայել է գարունն այս վայելել…

-Սիրտս սրտիդ ժապավենող անուրջներում
Հյուր է գալու նոր մի գարուն,
Պատրա՞ստ ես դու
Հույզերի հետ նույնանալուն.
-Ես պատրաստ եմ ամեն ինչի
Սիրույն հանաուն.
Մեր երազը թե չպաղեց ցուրտ ձյուներում՝
Ուրեմն օրհնյալ է
Ես ոչնչից չեմ վախենում

«Բանաստեղծություններ»

Mon, 18 Feb 2008 12:21:03 GMT

Դու հեռացար՝
Լուսինը իմ՝ քո հոգում,
Չափսոսեցիր, չասացիր, ախ,
Ու՞մ եմ ես նրան թողնում,
Իսկ ես անցա,
Ես հաղթեցի անհաղթելին,
Դժվար էր ,բայց ես հասկացա՝
Այս սիրո վերջը
Իմ սկիզբն էր սե՛ր իմ...

Ես անկարող եմ քեզ ասել մնա՝
Սերը բեկորվել է,
Եվ քո որոշման մեջ սպանող ոչինչ չկա
Գնա՝ ես քեզ ներել եմ .
Թե թեքվել է սերը դեպի մայրամուտ՝
Արձակիր հուշի աղավնիները,
Հիշիր՛ առաջինն է ճիշտ հեռացողներից երկու՝
Դու ճիշտ եղիր,
Իսկ ինձ արդեն մեկ է...

«Բանաստեղծություններ»

Fri, 15 Feb 2008 13:24:47 GMT

Սրտիս զարկերը մի լսիր՝
Լոկ կայծ եմ,
Շքեղ մեղքը սիրո մերժիր, մերժիր՝
Այս ամենը խայծ է:
Ես ինձ հավերժ փակել եմ սիրո առաջ՝
Անզոր է արեվդ՝
Էլ չեմ սիրի ինչպես առաջ...

Սովորիր լսել քարի շնչառությունը,
Նրա կարծր հառաչը զգա ու նոր քարկոծիր՝
Ես քո առաջ կանգնած եմ ,
անիծված եմ ,
Թե զորու է կամքդ՝ սիրտը իմ խոցիր,
Բայց թե դողում է դեռ սերը քարի ներսում՝
Կանչիր ինձ ու ես քո մոտ կգամ:
Խենթս , ախ խենթս միթե դու չես զգում,
Որ ես քո համար լոկ կամ

«Բանաստեղծություն»

Thu, 14 Feb 2008 08:10:24 GMT

Տարածվել էր գիշերը երակներիս մեջ,
Բայց սերը ուժ գտավ՝ մթին տիեզերքն իմ արթնացնելու,
Հիմա ամեն վարկյանս սեր է՝
«Ես սիրում եմ քեզ»
Սիրտս քո անվամբ է զարկում ու զարկելու:
Սերը հաղթց խաբկանքը,
Սերը գույնեց իմ կյանքը՝
Հիմա երազներն իմ քեզ են պատկանում.
Ու սերն իմ ՝ինչպես այս այգածագը
Այսօր եվ ընդմիշտ
Ես քեզ եմ նվիրում

«Բանաստեղծություններ»

Mon, 11 Feb 2008 08:29:52 GMT

Իմ հույսերի կորամեջք «գուցե՞ն»
Այսօր դարձել է բարձրաձայն՝ «հաստատ»,
Ի՞նչ կար մեր միջեվ՝
Սե՞ր,կապվածությու՞ն, խաբվածությու՞ն, թե՞ բախտ,
Ոչինչ էլ չկար՝
Պարզապես հույզեր,
Որոնց թեվեր տալ մենք չկարեցանք:
Թվաց ,թե դու անկեղծ ես մինչ ի մերկություն,
Թվաց ,թե ես պարզ լիճ եմ ՝
Քո երազանքին ջինջ արտացոլանք,
Բայց ճիչը սիրո , մեր երազանքում
Չուներ արձագանք.
Մենք ծնկի եկանք բախտի առաջին իսկ մարտում,
Կյանքը կարծեցինք կարծր, բիրտ եվ բարդ՝
Ներիր աչքերում իմ մխացող« գուցե՞ն»,
Դու իմ բախտը չէիր «հաստատ»...

......

Ապակին շպարած թաց գոլորշու մեջ
Ես թաքցրեցի ճիչը իմ հոգու՝
«Ես դեռ սիրում եմ քեզ,
Ես քեզ երբեք չեմ մոռանալու»
Օ, ճիչն այդ հզոր էր՝
Ապակին ճայթեց,
Ու խայթեց բեկորն ինձ իր ճշմարտությամբ՝
«Նա չի սիրում էլ քեզ,
Դու վաղուց խեղդվել ես իր ծովում հպարտության»...

........

Դու ժպտացիր
Եվ աչքերում իմ փշրվեց գավաթն այգաբացի.
Ես հավատացի,
Որ ծովն այդ օրը պարզապես սառել էր
Իմ եվ քո ափերը կապելու համար.
Դու ժպտացիր ՝
Ու ես համարձակվեցի՝
Սառցե ծովով վազել
Դեպի անցյալ.
Բայց չհասա, ես չհասա քեզ սիրելիս՝
Ափերը քո վաղուց են նվաճված...

.........

Քո աչքերից ամեն օր՝
Սիրտս ըմպում էր տպավորության մաճառը քաղցր,
Բայց սերը տիկերում բախտի ու ժամանակի
Դեռ երկար փորձվեր պիտի,
Որ դառնար գինի քաղցր:
Սակայն ես շուտ վստահվեցի
Մեզ բաժանող ու միացնող ամպերին ջինջ,
Սիրո կիսաձայնը քաղցր՝
Հզոր թվաց ՝քան ճիչը ինձ:
Հիմա չգիտեմ ինձ ատեմ , թե քեզ
Բախտի ապտակի համար այս ծանր՝
Ինձ լոկ թվաց, որ սիրում եմ քեզ՝
Գինին թույլ եղավ, դառը եվ համր...

.........

Լռությունը թնդում է իմ մեջ բյուր թմբուկներով
Եվ էլի խաբում է, գիտեմ,
Իր հուսադրող տեսությամբ՝
Հույզի մակընթացումը լոկ խոստում է ջերմ,
Որը երբեք չի հատուցվի տեղատվությամբ:
Բայց լռությունն այսօր անզոր է , անթեվ,
Ես հոգնել եմ արդեն
Ըմպել հավատի օշարակը քաղցր,
Ուզում եմ կյանքն ապրել առանց շաքարի,
Ես քիչ խենթ եմ ախր...

.......

Դու ներիր ինձ այս սիրո համար անժամանակ,
Անհասցե, անհույս, առանց ապագաի,
Քո ժպիտը
Երազանքներիս խարույկներին մարած
Դարձել էր կայծ,
Ու գուցե ինձ այրել մինչ ի մոխիր
Նրան չարգելեի.
Դու ինձ ներիր խոսքերի համար ասված,
Շռայլ, լուսե ժպիտների՝
Կհաշտվեմ մի օր չսիրելուն քո , բայց
Չսիրելը քո ՝ես քեզ չեմ ների...

«Բանաստեղծություն»

Thu, 10 Jan 2008 08:52:48 GMT

Շշնջացիր ինձ՝
-Քո թարթիչներից գիշեր է հոսում՝
Վա՛յր դիր գրիչդ.
Գիտեմ հոգնել ես
Երկերդ սերմել քարե հողերում.
Խնայի՛ր սիրտդ,
Ի՞նչու էս կյանքդ ապրում մեկ օրում.
Ժպտացի քեզ լուռ,
Բայց հավատալ քեզ չստացվեց,
-Այնքան արեվ կա սրտում իմ փխրուն,
Որ այն կարող է ինձ ներսից այրել՝
Թէ խոնարհեմ գրիչս:
Մտքի խենթ իմ ճիչը
Փոքրիկ պատերազմ է թախծության արճիճի դեմ,
Եվ ես գիտեմ՝
Մինչ պայթի վերջին բողբոջը հույզիս՝
Պիտի ես գրեմ...

«Բանաստեղծություն»

Tue, 08 Jan 2008 08:52:26 GMT

Ես ըմպեցի սպասումը մինջեվ վերջ
Եվ փակեցի աչքերս,
Բայց հրդեհ մնաց կոպերիս տակ
Այսքան անհատակ չէին եղել երբեք հուշի օվկիանոսները,
Ես ինձ երբեք չէի զգացել անցյալներին հպատակ.
Կյանք թե՞ կատակ՝
Հուշերով արբած՝ ես սթափություն եմ փնտրում
Արտասուքի հատակներում,
Սակայն իզուր է՝
Դու ինձ մոռեցել ես, դու ինձ չէս սիրում...

«Բանաստեղծություններ»

Fri, 28 Dec 2007 07:48:54 GMT

Քողերում ամպերի
Դեռ աստղեր կան թաքնված,
Որոնք միշտ ինձ աչքով են տալիս,
Երբ ինձ թվում է, թե անցյալն հատած՝
Սովորել եմ ապրել նորովի.
Ինչ՞ու են դեռ աչքերս թաց,
Ախր մեր սիրո ծառը կտրեցի, սեը ուրացա,
Բայց ուրվականներն այդ դալար ճյուղերի
Իմ երակներում նորեն ծառացան:
Քո մասին հուշերը սովոր են սրտիս տավիղը լարել,
Հուշերը գիտեն մեր երազների ծովոտ մեղեդին,
Բայց ես հոգնել եմ ծովերում բոսոր
Ալիքի պես քո ափին բախվել,
Ու ալիքի պես ետ քաշվել մոլոր.
Ես հրե, ես հուր....
Դու ձյունե,դու ձյուն....
Մինջեվ երբ են, ախ,հուշերը մեզ հյուր,
Մինչ երբ պիտ փոթորկեն մեր հույզերն իզուր...

«Բանաստեղծություն»

Thu, 27 Dec 2007 10:17:05 GMT

Ես հասկացա՝
Դու ճակատագիր չէիր,
Դու բորբ արյան ձայն էիր սիրահարության,
Հույզի քո նետերը նշանառու չէին՝
Նրանք հատեցին սահմանը,
Բայց բախտի դեմ համրացան:
Ու հիմա հեռու խորքերում իմ էության՝
Կամաց կամաց քանդվում է
Կծիկը քո պատմության,
Այն ժամանկ դեռ համառում էի,
Բայց սերը ավազի հետ նույնացավ,
Ու մաքրեն պիտի նրան ծովերը՝
Էլ չեմ փորձի ընդդիմանալ....

«Բանաստեղծություն»

Wed, 26 Dec 2007 12:26:34 GMT

Մի բեկվիր, սիր՝տ,
Արդեն սխալվելու ժամանակ չկա,
Ուժ տուր զարկերիդ՝
Հուսա, հավատա.
Ինձ անհրաժեշտ է լոկ մեկ ուժգին հարված,
Որ ձգվի էլի սերը ընդհատված:

Երակներում իմ այրում չկա, պաղել է
Ես կարոտել եմ սիրո հին հեղեղը,
Այնպես , որ զարկիր, անդորրը խախտիր՝
Սխալվելու բոլոր շանսերն օգտագործել եմ ...

Միայն իմ սրտի տրոփը լսեիր՝
Մի անծանոթ թախիծ էր հեվում
Բախման մեջ,
Բայց ծովի ձայն կար՝
Ինչպես ծովի խեցում,
Որը շշնջում էր՝
«Ես սիրում եմ քեզ»

«Բանանստեղծություն»

Tue, 25 Dec 2007 11:07:53 GMT

Ինչ որ մի թաքուն ուժին հնազանդ՝
Դեպի քեզ է հոսում
Վտակն անուրջիս,
Ինչու ե՞ն աչքերդ այդքան հարազատ,
Ինչու ե՞ն այդպես կանչում, տանջում ինձ,
Երբ մեր մեջ սերը՝
Կիսավեր կամուրջ,
Կիսաձայն շշուկ է եվ կամ արձագանք.
Այդ ինչ արեվ կա ձյուներում քո ցուրտ ,
Որ ստիպում է ինձ բախտս անավարտ
Թողեմ ու գամ դեպի քո հեռուն՝
Ինչ որ մի թաքուն ուժին հնազանդ...

«Բանաստեղծություններ»

Mon, 24 Dec 2007 12:36:43 GMT

Քո ժպիտը ինձ
Նվիրեց անբիծ
Վանիլե հույզեր.
Շնորհակալ եմ քեզ,
Որ դու իմ կյանքում
Միքիչ ուշացել էս ,
Ու սովորեցրել ես ինձ հրաշքի սպասել .
Իմ լռության մեջ՝
Շշուկներով քո ոսկեթել
Ասեղնագործվել ես՝
Եվ ինձ տվել ես երազանքի թեթվեր ...

Photo Album: «Աֆորիզմներ»

Wed, 30 Apr 2008 06:35:53 GMT

«Աֆորիզմներ»

AFORIZMNE8 ERJANKUTYAN MASIN.jpg

ARVEST.jpg

ASHXATANQ.jpg

CHSHMARTUTYUN.jpg

gexeckutyan masin.jpg

SUT.jpg

kin.jpg

Photo Album: «Կենդանակերպի նշաններ»

Thu, 27 Mar 2008 11:03:37 GMT

«Կենդանակերպի նշաններ»

xoy.jpg

cul.jpg

erkvoryak.jpg

xecgetin.jpg

aryuc.jpg

kuys.jpg

ksherq.jpg

karich.jpg

axexnavor.jpg

aycexjyur.jpg

More Photos...

Photo Album: «Լեոնարդո դա Վինչի»

Thu, 27 Mar 2008 10:01:03 GMT

«Լեոնարդո դա Վինչի»

da_vinci01.jpg

da_vinci2.jpg

da_vinci3.jpg

da_vinci04.jpg

da_vinci08.jpg

da_vinci06.jpg

Photo Album: «Ռաֆաել»

Thu, 27 Mar 2008 09:48:56 GMT

«Ռաֆաել»

raffaello2.jpg

raffaello01.jpg

raffaello03.jpg

raffaello9.jpg

raffaello92.jpg

raffaello96.jpg

raffaello98.jpg

Photo Album: «Ծաղիկներ»

Thu, 27 Mar 2008 07:59:01 GMT

«Ծաղիկներ»

cornflowers-1024

flower

Hardy_White_Water_Lillies

normal_A_Look_Ahead_To_Spring%2C_Two_Red_Tulips

normal_macro30

normal_macro31

Spring_Blossoms

Year-End_Roses

gerberi-1024

rose-flowers-1024

More Photos...

Photo Album: «Նուռ»

Fri, 21 Mar 2008 06:44:51 GMT

«Նուռ»

granat_b.jpg

sgtanattt_b.jpg

granat.jpg

1199022422_2475229.jpg

Безымянный.bmp

Photo Album: «Հայկական մանրանկարչություն»

Wed, 20 Feb 2008 10:42:19 GMT

«Հայկական մանրանկարչություն»

miniature17.jpg

miniature18.jpg

miniature32.jpg

miniature40.jpg

miniature46.jpg

miniature53.jpg

Photo Album: Հովհանես Այվազովսկի

Wed, 30 Jan 2008 12:37:41 GMT

Հովհանես Այվազովսկի

aivazovsky02.jpg

aivazovsky05.jpg

aivazovsky06.jpg

aivazovsky07.jpg

aivazovsky09.jpg

aivazovsky092.jpg

aivazovsky093.jpg

aivazovsky094.jpg

aivazovsky095.jpg

aivazovsky096.jpg

More Photos...

Photo Album: Մարտիրոս Սարյան

Tue, 22 Jan 2008 08:40:18 GMT

Մարտիրոս Սարյան

saryan13

saryan33

saryan34

saryan44

saryan47

saryan36

saryan52

saryan59

saryan63

Photo Album: Անձնական ֆոտո ալբոմ

Thu, 10 Jan 2008 09:23:05 GMT

Անձնական ֆոտո ալբոմ

Фотография без названия

hasmik1

hasmik2

More Photos...

Photo Album: Ծիածաններ

Thu, 28 Jun 2007 11:11:54 GMT

Ծիածաններ

Фотография без названия

1164622862_byaki0

Фотография без названия

raduga

rainbows_0855

sprosite1

Photo Album: Մայրամուտներ

Wed, 27 Jun 2007 10:28:35 GMT

Մայրամուտներ

Фотография без названия

nature_0443

Фотография без названия

Photo Album: Բանաստեղծություններ

Tue, 19 Jun 2007 06:11:54 GMT

Բանաստեղծություններ

ram

romash

kakach.jpg1

gerbкопирование

BANASTEXCUTYUN

Hasmik

pic

-5226

blue

More Photos...